You are in: Home › Registration › A’ Pòsadh ann an Alba › Tha mi airson pòsadh ann an Alba. Ciamar a nì mi seo? ›

A’ Pòsadh ann an Alba

Tha mi airson pòsadh ann an Alba. Ciamar a nì mi seo?

Tha obair-pàipeir ri lìonadh, agus feumaidh tu àite, ceann-là agus uair a chur air dòigh. ’S dòcha gum bi e feumail dhut na sgrìobhainnean a leanas mu na riatanasan againn a luchdadh sìos.

(Adobe Acrobat Portable Document Format (pdf)): .

• Bileag Fiosrachaidh RM1 - Pòsadh an Alba (faidhle pdf 48 Kb)
• Paipearan a Bharrachd a Dh'fheumar Nuair a Thathar a' Toirt Rabhadh Pòsaidh (faidhle pdf 18 Kb)
• Foirm M10 (Form M10) - (ri lìonadh le daoine a tha airson pòsadh an Alba) (faidhle pdf 65 Kb)
• Notaichean Stiùiridh gus Cuideachadh le Lìonadh an Fhoirm-iarrtais airson Rabhadh Pòsaidh M10 (faidhle pdf 47 Kb)
• Ceistean a dh'fheumar am freagairt le pàirtichean a tha a' cur a-steach sgrìobhainnean mu sgaradh-pòsaidh a thachair thall thairis ma bha iad pòsta ron seo. (faidhle pdf 17 Kb)
• Ceistean a dh'fheumar am freagairt le pàirtichean a tha a' cur a-steach sgrìobhainnean mu sgaoileadh/neonitheachadh a thachair thall thairis ma bha iad roimhe ann an com-pàirteachas catharra clàrte (faidhle pdf 16 Kb)
• Pòsadh ann an Alba - Dè a phaigheadh sibh? (faidhle pdf 31 Kb)
• Leabhar-seòlaidh Luchd-clàraidh ann an Alba (Directory of Registrars in Scotland) (faidhle pdf 170 Kb)
• Àiteachan Ceadaichte airson Pòsadh Catharra – a rèir Comhairle (Approved Places for Civil Marriage - by Council)
• Àiteachan Ceadaichte airson Pòsadh Catharra – a rèir Ainm-àite (Approved Places for Civil Marriage - by Place Name)
• Seòmraichean Pòsaidh an Alba (Dealbhan de na seòmraichean-pòsaidh ann an cuid de dh’Oifisean Clàraidh na h-Alba)

Bu chòir gum freagradh bileag RM1 a’ chuid as motha de na ceistean agad, ach cùm air chuimhne na puingean a leanas:

• Cuir fòn chun an Neach-clàraidh ionadail daonnan mus lìon thu foirm M10.

• Ma tha thu ag iarraidh pòsadh catharra an àite pòsadh creidmheach, ’s urrainn dhan Neach-clàraidh do chuideachadh a’ taghadh latha agus uair, agus innse dhut dè na cìsean is dòcha a bhios rim pàigheadh.

• Bheir e cothrom dhut cuideachd dearbhadh dè an dòigh pàighidh ris an gabh an Neach-clàraidh.

• Bu chòir do gach pàirtiche sa phòsadh seòladh agus àireamh-fòn a thoirt don Neach-clàraidh (agus ma bhios e comasach, àireamh-facs).

• Feumaidh tu na foirmean air an lìonadh a chur dhan phost (chan ann air post-dealain) (a’ gabhail a-steach a’ cheisteachain ma tha thu a’ cur a-steach sgrìobhainnean sgaradh-pòsaidh bho thaobh a-muigh Bhreatainn), a’ chiad bhreacadh de sgrìobhainnean no lethbhric dearbhte leis an ùghdarras a thug seachad iad agus suim airgid iomchaidh don Neach-clàraidh ionadail (chan ann gu Oifis Choitcheann a’ Chlàraidh airson Alba) airson ruigsinn mar as trice 4-6 seachdainean ro cheann-là a’ phòsaidh agus co-dhiù gun a bhith nas fhaide na 15 làithean roimhe.

• Ma tha sibh ag iarraidh pòsadh creidmheach feumar an clàr pòsaidh a thogail gu pearsanta bhon Neach-clàraidh rè uairean fosglaidh gun a bhith nas fhaide na seachd làithean ro cheann-là a’ phòsaidh.

• Ma tha sibh air taobh a-muigh Bhreatainn ’s dòcha gun iarr an Neach-clàraidh do chead-siubhail dligheach no sgrìobhainn eile a tha a’ toirt cead dhut a bhith anns an dùthaich.

• Bho 1 Gearran 2005, ma bhios tu a’ tighinn dhan Rìoghachd Aonaichte (UK) airson pòsadh agus gu bheil thu nad shaoranach de dhùthaich nach eil na bhall de Cheàrn Eaconamach na h-Eòrpa, feumaidh tu cur airson bhìosa mus tig thu (tha seo a-mhàin ma gheibh an neach-clàraidh ur rabhadh pòsaidh air no an dèidh 1 Gearran 2005). Mur faigh thu bhìosa chan urrainn don neach-clàraidh do rabhadh pòsaidh a ghabhail agus chan urrainn dhut pòsadh anns an RA. Bu chòir gum biodh e furasta bhìosa fhaighinn. Gheibhear tuilleadh fiosrachaidh aig làrach-lìn UK Visas far a bheil stiùireadh do luchd-tadhail no "Visitors" no cuir fios chun an Ambasaid, Consalachd no Àrd-choimisean Breatannach as fhaisge ort airson comhairle.

• Ma tha thu anns an RA a-cheana, agus gu bheil thu nad shaoranach de dhùthaich nach eil na bhall de Cheàrn Eaconamach na h-Eòrpa, feumaidh tu cead Rùnaire na Dùthcha airson pòsadh an seo. Bidh seo air a thoirt seachad mar theisteanas cead. Airson tuilleadh fiosrachaidh cuir fòn gu Biùro Rannsachadh In-imrich agus Nàiseantachd no sgrìobh gu Buidheann-stiùiridh In-imrich agus Nàiseantachd (Immigration and Nationality Directorate). Tha an àireamh-fòn agus seòladh air an làrach-lìn aca.

English

Air ais chun toiseach